Pam datblygu deunyddiau newydd yn seiliedig ar y diwydiant twristiaeth ar gyfer y cwricwlwm newydd?

Datblygir yr adnodd hwn am ddau reswm:

1. Codi proffil Twristiaeth fel sector cyflogaeth bwysig ar Ynys Môn, Gogledd Cymru a thu hwnt. Diwygio proffil a meddylfryd traddodiadol a hen-ffasiwn o’r hyn sydd gan y diwydiant modern i’w gynnig fel gyrfa. Tynnu sylw at yr hyn y gallai disgyblion ei gyflawni wrth weithio ym maes twristiaeth, gan ystyried Twristiaeth fel gyrfa o ansawdd gyda rhagolygon da wrth feddwl beth i’w wneud ar ôl ysgol, coleg neu Brifysgol.
2. Manteisio ar y cyfle i ychwanegu gwerth at ddatblygiad y Cwricwlwm Newydd i Gymru gyda deunyddiau newydd a chyffrous gan ddefnyddio gwybodaeth leol. Mae addysg yn chwarae rôl hanfodol sydd, yn uniongyrchol ac/neu’n anuniongyrchol, yn dylanwadu a siapio canfyddiadau, uchelgeisiau a dyheadau plant a phobl ifanc.

Mae’r adnodd yn galw am i swyddi a gyrfaoedd yn y sector twristiaeth gael hwb go iawn gan y sector addysg i ddangos i blant, pobl ifanc, rhieni ac athrawon bod llawer ar gael yn y diwydiant hanfodol hwn, ar Ynys Môn yn arbennig, ond ar draws Gogledd Cymru hefyd.

Beth fydd disgyblion yn ei ddysgu?

Mae dysgu a pharhau i ddefnyddio’r iaith Gymraeg yn hanfodol i’r diwydiant twristiaeth ac yn ychwanegu gwerth i’r rhan fwyaf o swyddi.

Mae hanes a diwylliant yn thema drawsbynciol mewn twristiaeth a bydd yn ychwanegu gwerth at faes dysgu’r dyniaethau yn y cwricwlwm newydd, gan ddod ag enghreifftiau go-iawn i danio dychymyg dysgu disgyblion.

Mae Mathemateg, Gwyddoniaeth, Cyfrifiaduron /TG ​​a dysgu digidol yn themâu trawsbynciol allweddol yn yr ysgol a’r cwricwlwm newydd. Mae’n allweddol i’r diwydiant twristiaeth o ddydd i ddydd hefyd!

Mae cysylltiad agos rhwng chwaraeon a thwristiaeth ac mae Llywodraeth Cymru am adnabod Gogledd Cymru fel y gyrchfan ‘Twristiaeth Antur’ yng Nghymru!  Mae hwn yn ddatblygiad cyffrous iawn i’r sector fydd angen mwy o bobl i ddod â syniadau newydd, cael hyfforddiant arbennig, bod yn hyfforddwyr ac arweinwyr newydd, deall iechyd a diogelwch a charu gweithio gyda phobl.